မိစ္ဆာဒိဋ္ဌိဘုရင် နှင့် သရဏဂုံရှင် (ဗုဒ္ဓဘာသာဝင်တိုင်း အတုယူသင့်သည့် သာသနာ့အာဇာနည်အမျိုးသမီး)
မိစ္ဆာဒိဋ္ဌိဘုရင် နှင့် သရဏဂုံရှင် (ဗုဒ္ဓဘာသာဝင်တိုင်း အတုယူသင့်သည့် သာသနာ့အာဇာနည်အမျိုးသမီး)
***********************************************************************
ယခုဖော်ပြမည့် ဖြစ်ရပ်ဟာ ဆန်းကြယ်မှု အသွယ်သွယ်နဲ့ ပြွန်းတီးနေတဲ့ဖြစ်ရပ်မို့ စိတ်ကူးယဉ် ဒဏ္ဍာရီတစ်ခုလို့ ထင်မသွားဖို့တော့ စောစောက ကြိုတင်တောင်းပန်ထားပါရစေ။ ဘာကြောင့်လဲဆိုတော့ ဒီတကယ့်ဖြစ်ရပ် အကြောင်းကို မှတ်တမ်းတင်ခဲ့သူဟာ ဘာသာခြား လူမျိုးခြားတစ်ယောက် ဖြစ်နေလို့ပါပဲ။
သူကတော့ အင်္ဂလိပ်လူမျိုး သမိုင်းဆရာ ‘ဂျီအီးဟာဘေ’ ပဲဖြစ်ပါတယ်။ ဘာသာခြားလည်းဖြစ်၊ လူမျိုးခြားလည်း ဖြစ်တဲ့အတွက် ဗုဒ္ဓနဲ့ ပတ်သက်ပြီးတော့ လွန်လွန်ကဲကဲ ဂုဏ်တင်မရေးမှာကတော့ သေချာလှပါတယ်။ ယခုဖြစ်ရပ်ကို ‘မြန်မာ့သမိုင်း အကျဉ်းချုပ်’ စာအုပ်မှာ ရေးသားခဲ့ခြင်း ဖြစ်ပါတယ်။ ဓမ္မရသ၊ သုတရသ၊ ကရုဏာရသ၊ ဘယာနက ရသ၊ ဝီရရသ စတဲ့ ရသမျိုးစုံကို ခံစားကြည့်ရအောင်ပါ။
"ဗုဒ္ဓဘာသာနှစ်မျိုး"
-------------------
အေဒီ (၁၀၄၃-၁၀၅၇) လောက်ကပဲ ဖြစ်ပါတယ်။ ဒီအချိန်မှာ မွန်တို့ဌာနီ ဟံသာဝတီမှာ စိုးမိုးအုပ်ချုပ် မင်းလုပ်နေတဲ့ ဘုရင်တစ်ပါးကတော့ တိဿပါတဲ့။ ဗုဒ္ဓဘာသာဝင်ပါပဲ။ ဒါပေမယ့် တကယ့်ဗုဒ္ဓဘာသာ မဟုတ်ဘဲ မိရိုးဖလာဗုဒ္ဓဘာသာ ဖြစ်နေပါတယ်။ ဒီနှစ်မျိုး ထူးခြားပုံကို ရှင်းပြပါရစေ။
မိရိုးဖလာ ဗုဒ္ဓဘာသာဆိုတာက မိမိရဲ့ အဘိုးတွေ၊ အဘွားတွေ၊ အဖေတွေ၊ အမေတွေက ဗုဒ္ဓဘာသာ ဖြစ်ခဲ့လို့သာ မိမိလည်း ဗုဒ္ဓဘာသာ ဖြစ်လိုက်ရတယ်၊ သိတဲ့, တတ်တဲ့ ဆရာတော်ကြီးတွေကိုလည်း ဆည်းကပ် မေးမြန်းခြင်း တရားနာခြင်းလည်း မရှိဘူး။ တစ်ခါ ဘာသာရေး စာပေကိုလည်း တစ်လုံးတစ်ပါဒမျှ မလေ့လာဘူး။ အဲဒီလိုမျိုး ဗုဒ္ဓဘာသာဟာ ‘မိရိုးဖလာဗုဒ္ဓဘာသာ’ ပါ။
တကယ့်ဗုဒ္ဓဘာသာဆိုတာကတော့ အချိန်အားလေးရခိုက်မှာ ဘာသာရေးစာပေအချို့ကိုလည်း ထိုက်သလောက် လေ့လာဖတ်ရှုတယ်။ တတ်သိနားလည်တဲ့ ဆရာတွေဆီ ဆည်းကပ်ပြီး မရှင်းလင်းတာ မေးမြန်းတယ်။ ကြုံတဲ့အခါ တရားဒေသနာများကို နာကြားတယ်။ အဲဒီအတွက် တန်ဖိုးထားသွားတယ်။ အဲသလို ဗုဒ္ဓဘာသာမျိုးကမှ ‘တကယ့်ဗုဒ္ဓဘာသာ’ ပါ။
ဒီဗုဒ္ဓဘာသာ နှစ်မျိုးဟာ သာမန် အချိန်မှာတော့ အတူတူပါပဲ။ ထူးသွားတဲ့ အချိန်ကတော့ ဘာသာခြားနဲ့ အိမ်ထောင်ကျတဲ့အချိန်၊ တခြားဘာသာကနေ ဥစ္စာစည်းစိမ်တွေ၊ မိန်းမဆိုရင် ယောက်ျား၊ ယောက်ျားဆိုရင် မိန်းမနဲ့ ဆွဲဆောင်လာတဲ့ အချိန်ပါပဲ။
အဲဒီအချိန်ရောက်ပြီဆိုရင်တော့ မိရိုးဖလာဗုဒ္ဓဘာသာဝင်များဟာ ဘာသာခြားနောက်ကို ကောက်ကောက်ပါအောင် ပါသွားတတ်ပြီး တကယ့် ဗုဒ္ဓဘာသာဝင်များကတော့ ကျောက်တောင်ကျောက်ခဲလို မယိုင်လဲဘဲ တည့်မတ်ပြီး နေနိုင်ပါတယ်။ အခု တိဿဘုရင်က မိရိုးဖလာဗုဒ္ဓဘာသာဝင်ပဲ ဖြစ်ပါတယ်။
ဒါကြောင့်လည်း အနားမှာ ခ,စားနေတဲ့ ဗြာဟ္မဏဘာသာဝင် အမတ်တွေက-
“အရှင်မင်းကြီး၊ အရှင်မင်းကြီးတို့ ကိုးကွယ်နေတဲ့ ဗုဒ္ဓဆိုတာဟာ လောကမှာ ရှိမှ မရှိတော့ဘဲ။ ဒါကြောင့် သေသွားတဲ့သူရဲ့ ရုပ်တုကို ကိုးကွယ်နေတယ်ဆိုတာ အသုဘရုပ်ကို ကိုးကွယ်နေတာနဲ့ အတူတူပါပဲ၊ အဲဒါကို ကိုးကွယ်မယ့်အစား ကျွန်တော်မျိုးတို့ရဲ့ ဘယ်တော့မှ မသေတဲ့ ထာဝရဗြဟ္မာကြီးကို ကိုးကွယ်တာက ပိုမြင့်မြတ်တာပေါ့” လို့ ရက်အတန်ကြာ ဆွဲဆောင်လိုက်တာနဲ့ မိရိုးဖလာ ဗုဒ္ဓဘာသာဝင် တိဿမင်းဟာ မိစ္ဆာဒိဋ္ဌိအယူကို ယူပြီး မြင့်မြတ်လှတဲ့ ဗုဒ္ဓဘာသာကို စွန့်လွှတ်လိုက်ပါတော့တယ်။
အတွေးအခေါ် အသိဉာဏ်နည်းပါးသူတွေရဲ့ လက်ထဲကို အာဏာရောက်သွားခြင်းဟာ နဂိုကမှ အကန်အကျောက်ဝါသနာပါတဲ့ မြင်းကို ချိုတပ်ပေးလိုက်သလို တစ်ပါးသူတွေ ပိုမို ဒုက္ခရောက်ဖို့ရာ ဖန်တီးပေးလိုက်သလိုပဲ ဖြစ်ပါတယ်။ ခုလည်း ကြည့်လေ။ သူကိုယ်တိုင် ဘာသာပြောင်းရုံနဲ့ မပြီးသေးဘဲ ဟံသာဝတီ မြို့သူမြို့သား အားလုံးကိုပါ သူ့လို လိုက်ပြီး ဘာသာပြောင်းရမယ်လို့ အမိန့်ထုတ်တယ်။
သူထုတ်တဲ့ အမိန့် အပြည့်အစုံက ‘ယနေ့မှစ၍ ဟံသာဝတီ မြို့သူမြို့သား အားလုံးတို့သည် ဗုဒ္ဓအယူဝါဒကို စွန့်၍ ဗြဟ္မဏအယူဝါဒကို ယူကြရမည်။ ဗုဒ္ဓဆင်းတုတော်များကိုလည်း အားလုံး ဖျောက်ဖျက်ပစ်ကြရမည်။ ဗုဒ္ဓဆင်တုတော်များ ကိုးကွယ်ဆည်းကပ်သူကို တွေ့လျှင် သေဒဏ်ပေးမည်’ လို့ အမိန့်ထုတ်လိုက်သည်။
ဒီတော့လည်း ‘ဗုဒ္ဓဝါဒထက် အသက်ကို ပိုမိုမြတ်နိုးသူ’ အများစုတို့ဟာ ဗုဒ္ဓဆင်းတုတော်များကို ရေမျှောသူက မျှောတယ်၊ မီးရှို့ဖျက်ဆီးသူက ဖျက်ဆီးတယ်၊ တောနက်ထဲသွားပစ်တဲ့သူက ပစ်ကြတယ်။ တစ်တိုင်းပြည်လုံး နီးပါး ဗုဒ္ဓဆင်းတုတော်များကို ဖျောက်ဖျက်ပြီး ဗုဒ္ဓအယူဝါဒကို စွန့်နေကြတဲ့ အချိန်မှာ ‘အသက်ထက် ဗုဒ္ဓဝါဒကို ပိုမိုမြတ်နိုးတဲ့’ အာဇာနည် အမျိုးသမီး တစ်ဦးလည်း ပေါ်ပေါက်ခဲ့ပါတယ်။
"အသက်ထက် ဗုဒ္ဓဝါဒကို မြတ်နိုးသူ"
------------------------------------------
သူကတော့ တခြားမဟုတ်ပါဘူး။ သူဌေးသမီး ဟံသာဝတီမြို့သူလေး ‘တလထော်’ ပဲဖြစ်ပါတယ်။ တလထော်ဆိုတာ မွန်နာမည်ပါ။ မြန်မာလိုတော့ ‘တရားသခင်မ’ လို့ အဓိပ္ပါယ်ရပါတယ်။ သူမကတော့ သူမနေတဲ့ တိုက်ခန်းထဲမှာ ဗုဒ္ဓဆင်းတုတော်ကို ကိုးကွယ်လျက်ပါပဲ။ ဘယ်သူမှ တားလို့လည်း မရပါဘူး။ တစ်နေ့တော့ တလထော်နဲ့ သူရဲ့ အချွေအရံတွေ မြစ်ထဲမှာ ရေးချိုးနေကြပါတယ်။
အဲဒီအချိန်မှာ ဟို...မြစ်ညာကနေ တလထော်တို့ ရေးချိုးနေတဲ့ဆီကို ရွှေရောင်တလက်လက်နဲ့ ဗုဒ္ဓဆင်းတုတော် ရှစ်ဆူ မျောပါတာကို တွေ့မြင်ကြရပါတယ်။ အသက်ဘေးကို ကြောက်တဲ့ ဗုဒ္ဓဘာသာဝင်တွေ မျှောလိုက်တဲ့ ဗုဒ္ဓဆင်းတုတွေပဲပေါ့။ ဒီအခါမှာ တလထော်ဟာ မျောပါလာတဲ့ ဆင်းတုတော်တွေကို သူကိုယ်တိုင်လည်း လိုက်ဆယ်တယ်၊ သူ့အချွေအရံတွေကိုလည်း လိုက်ဆယ်ခိုင်းတယ်။ ရံရွေတော်တွေက-
“အရှင်မ၊ တိဿဘုရင်ကြီးက ဗုဒ္ဓဆင်းတုတော် ကိုးကွယ်တဲ့ သူတွေကို သေဒဏ်ပေးမယ်လို့ အမိန့် ချမှတ်ထားပါတယ်၊ ဒါကြောင့် ဆင်းတုတော်တွေကို မဆယ်ပါနဲ့” လို့ တားကြတဲ့အခါ တလထော်က
“ညီမတို့ ဆယ်သာဆယ်ကြ၊ ဗုဒ္ဓဆင်းတုတော်ကို ကိုးကွယ်လို့ သတ်မယ်ဆိုရင် ကျွန်မ ဆယ်ခါပြန်သေရဲပါတယ်၊ ဒီဆင်းတုတော်တွေနဲ့ ပတ်သက်လို့ ကျွန်မ အားလုံးတာဝန်ယူပါတယ်” လို့ ပြောသတဲ့။
ဒီစကားကို ထောက်ကြည့်ရင် တလထော်မှာ ဗုဒ္ဓဝါဒနဲ့ ပတ်သက်လာရင် အရာရာကို ရင်ဆိုင်ရဲတဲ့ သတ္တိတွေ ရှိနေတာကတော့ သေချာနေပါပြီ။ ဒီသတ္တိတွေကို အသက်ငယ်ငယ်သာရှိသေးတဲ့ တလထော်တစ်ယောက် ဘယ်လိုများ ရလာသလဲလို့ တွေးကြည့်သင့်တယ်။ ဒီမေးခွန်းရဲ့ အဖြေကိုတော့ အမရပူရမြို့၊ မဟာဂန္ဓာရုံ ဆရာတော်ဘုရားကြီးရဲ့ အောက်ပါ သြဝါဒထဲမှာ ရှာကြည့်နိုင်ပါတယ်။
"ဘုရားပေးတဲ့ သတ္တိ"
----------------------------
တစ်မျိုးမျိုးသော အလုပ်ကိစ္စရှိရင် ဘုရားကို အမှတ်ရနေပါ၊ အခါမရွေး အမှတ်ရနေရင် ပိုကောင်းပါတယ်၊ ဒီလို ဘုရားအာရုံယူနေတော့ သတ္တိ အလိုလို ထက်မြက်လာတယ်၊ စိတ်တွေဟာ ဘုရားအာရုံ အမြဲယူနေရတော့ တည်ကြည်မှု (သမာဓိ) ကို ရလာတယ်။ ဒီလို တည်ကြည်လာတော့ ရဲရင့်ထက်မြက်တဲ့ သတ္တိကောင်းတွေ ပေါ်လာရတာပဲ၊ သွားလာရာမှာ ဘုရားအာရုံနဲ့သွားရင် ကြမ်းတမ်းတာ မရှိပါဘူး။
ဒီသြဝါဒကို ကြည့်လိုက်ရင်ပဲ တလထော်ရဲ့ သတ္တိတွေ ဘယ်လိုကဘယ်လို ရလာသလဲ ဆိုတဲ့ မေးခွန်းရဲ့ အဖြေကို သိလောက်ပါပြီ။ တနည်းအားဖြင့် တလထော်ဟာ အထက်တန်းစား ဗုဒ္ဓဘာသာ ဖြစ်တဲ့ အတွက်ကြောင့်လည်း ဗုဒ္ဓဆင်းတုတော်များကို ယခုလို ရဲရဲဝံ့ဝံ့ ပူဇော်ရဲခြင်း ဖြစ်ပါတယ်လို့ ယူဆရပါတယ်။
အထက်တန်းစား တကယ့်ဗုဒ္ဓဝင်တွေက ကုသိုလ်ကံကြောင့် ကောင်းကျိုးခံစားရမယ်၊ အကုသိုလ်ကံကြောင့် မကောင်းကျိုး ခံစားရမယ်ဆိုတဲ့ ‘ကမ္မဿကတာ သမ္မာဒိဋ္ဌိဉာဏ်ဟာ လင်းလင်းရှင်းရှင်း ရှိကြတယ်။ အောက်တန်းစား ဗုဒ္ဓဘာသာဝင်တွေကတော့ ကောင်းကျိုးခံစားရရင် နတ်မ, လို့၊ ဘိုတော်မ, လို့ ယူဆပြီး၊ မကောင်းကျိုးခံစားရပြန်တော့ ပါပဂြိုဟ်ထဲရောက်လို့၊ စီးပွားပျက်ကိန်း ကြုံနေလို့ စသောအားဖြင့် အမှားတွေကို ယုံပြီး ကမ္မဿကတာသမ္မာဒိဋ္ဌိဉာဏ် လုံးလုံး ကွယ်ပျောက်နေကြရတယ်။
တလထော်ကတော့ အဲဒီအထဲမှာ မပါဘူး။ ဒါကြောင့်လည်း ဗုဒ္ဓဆင်းတုတော် ရှစ်ဆူကို ရဲရဲဝံ့ဝံ့ ပူဇော်ရဲတာပေါ့။ ဗုဒ္ဓဆင်းတုတော်တွေ သူကိုးကွယ်တာက ကုသိုလ်အလုပ်ပဲ။ ကုသိုလ်အလုပ် ဖြစ်တဲ့အတွက် ပေးမယ့်ပေးရင် ကောင်းကျိုးပဲ ပေးရမယ်။ မကောင်းကျိုးကတော့ ဘယ်လိုမှ မပေးနိုင်-လို့ ရဲရဲဝံ့ဝံ့ ယုံကြည်တဲ့ သဒ္ဓါဓာတ်မျိုးကလည်း လူတိုင်းမှာတော့ ရှိဖို့ မလွယ်လှပါဘူး။
နောက်ပြီး “တလထော်၊ နင် ရတနာသုံးပါး စွန့်မလား၊ ခေါင်းဖြတ်အသတ်ခံမလား” လို့မေးခဲ့ရင် တလထော်ဟာ ခေါင်းသာဖြတ် အသတ်ခံမှာပါ၊ ရတနာသုံးပါးကို မစွန့်ပါဘူး၊ အဲဒီလို သဒ္ဓါမျိုးကို စာကဆိုတာကတော့ ‘အဝေစ္စပသန္န’ (ရတနာသုံးပါးကို မတုန်မလှုပ် သက်ဝင်ယုံကြည်ခြင်း) လို့ဆိုပါတယ်။
စာရှုသူများလည်း အဲဒီသဒ္ဓါမျိုးကို မိမိသန္တာန်မှာ ရှိအောင် ကြိုးစားထားမယ်ဆိုရင် တလထော် ကျော်ဖြတ်ခဲ့တဲ့ အန္တရာယ် အမျိုးမျိုးကို စာရှုသူများလည်း ကျော်ဖြတ်နိုင်ပါလိမ့်မယ်။ တလထော်ဟာ ရေထဲက ဆယ်လို့ရတဲ့ ဗုဒ္ဓဆင်းတုတော်များကို အမွှေးနံ့သာများနဲ့ ရေသပ္ပါယ်ပြီး သူနေတဲ့တိုက်ခန်းမှာ ကိုးကွယ်ထားလိုက်ပါတော့တယ်။
နောက်တစ်နေ့မှာပဲ ဒီသတင်းကို ရသွားတဲ့ တိဿဘုရင်ကြီးဟာ လွန်စွာ ဒေါသထွက်ပြီး တလထော်ကို ချက်ချင်း ဖမ်းခိုင်းလိုက်ပါတယ်။ ရဲမက်တွေ လာဖမ်းကတည်းက တလထော်ဟာ မိမိရဲ့ ပွားများနေကျ ဖြူစင်အေးမြတဲ့ မေတ္တာဓာတ်ကို တိဿဘုရင်ကြီးနဲ့တကွ နန်းတွင်းသူ, နန်းတွင်းသား အားလုံးထံကို ပို့လွှတ်ထားလိုက်ပါတယ်။
စိတ်ဆိုးနေတဲ့ ဒေါသကို မိမိသန္တာန်မှာ လုံးဝ အဖြစ်မခံပါဘူး။ ဘာကြောင့်လဲဆိုတော့ ဒေါသဟာ အကုသိုလ်ဆိုတော့ မကောင်းကျိုးပဲ ပေးမယ်၊ မေတ္တာက ကုသိုလ်ဆိုတော့ ကောင်းကျိုးပေးမယ်။ ဒါကြောင့်လည်း ဒေါသ အဖြစ်မခံဘဲ မေတ္တာကိုသာ တွင်တွင်ပွားနေတာပါ။ မေတ္တာပို့တာနဲ့ လုံလောက်ပြီလို့ မယူဆဘဲ သရဏဂုံသုံးပါး ကိုလည်း ရွတ်ဖတ်သရဇ္ဈာယ်ပြီး ဆောက်တည်နေပါတော့တယ်။
နန်းရင်ပြင် ရောက်တာနဲ့ ဒေါသဖြစ်နေတဲ့ တိဿဘုရင်နဲ့ ဗြာဟ္မဏအမတ်တွေဟာ စစ်ဆေးမေးမြန်းခြင်းပင် မပြုလုပ်တော့ဘဲ တလထော်ကို သူတို့ရှေ့မှာတင် မသေမချင်း ဆင်းနင်းသတ်ဖို့ အမိန့် ချမှတ်လိုက်ပါတော့တယ်။ လက်ပြန်ကြိုး တုပ်ထားတဲ့ တလထော်ရှိရာသို့ အရက်မူးအောင် တိုက်ထားတဲ့ လူနင်းသတ်နေကျ ဆင်ကြမ်းကြီးတစ်ကောင်ကို မောင်းခေါ်လာခဲ့ပါသည်။
ဒီအချိန်မှာ တိဿဘုရင်နဲ့ မိစ္ဆာများက တစ်ဖက်၊ တလထော်က တစ်ဖက် ဖြစ်နေပါသည်။ တလထော်နောက်မှာ ဘယ်သူမှ မနေရဲတော့ပါဘူး။ ဒါကိုလည်း တလထော် သိပါတယ်။ ဒါကြောင့်လည်း ဘယ်သူ့ကိုမှ အားမကိုးဘဲ သရဏဂုံသုံးပါးကိုသာ ရွတ်ဖတ်သရဇ္ဈာယ်နေခြင်း ဖြစ်ပါတယ်။ ဟုတ်ပါတယ်- တလထော် နောက်မှာ မားမားမတ်မတ် နေတာဆိုလို့ ရတနာသုံးပါးပဲ ရှိပါတော့တယ်။
နင်းသတ်ဖို့လာတဲ့ ဆင်ကြီးဟာ တလထော်နားကို ရောက်တာနဲ့ မနင်းရဲတော့တဲ့အပြင် “စူးစူးဝါးဝါး တစ်ချက်တည်းအော်ပြီး” နောက်ပြန် လှည့်ပြေးတော့တာပဲ။ ဆင်ဦးစီးလည်း ဘာမှ မတတ်နိုင်တော့ပါဘူး။ တိဿဘုရင်နဲ့ ဗြာဟ္မဏအမတ်တွေကတော့ ဘယ်မှာ အခဲကျေလိမ့်မလဲ။
“မင်းတို့ ကြောက်တတ်တဲ့ ဆင်ကိုမှ ခေါ်လာတာကိုးကွ၊ သွား ဒီထက်ဆိုးတဲ့ ဆင်ကြမ်းတစ်ကောင်ကို ထပ်ခေါ်နင်းခိုင်းစမ်း” ဆိုတဲ့ တိဿဘုရင်ရဲ့ အမိန့်နဲ့အတူ နောက်ထပ် ကြမ်းပေ့ဆိုတဲ့ ဆင်တစ်ကောင်ကို ခေါ်လာခဲ့ပြန်ပါပြီ။ နောက်ထပ် ခေါ်လာတဲ့ဆင်ဟာလည်း တလထော်နားကို ရောက်တာနဲ့ စူးစူးဝါးဝါး အော်ပြီး လှည့်ပြေးပြန်တာပါပဲ။ ဘုရား, တရား, သံဃာ သရဏဂုံ သုံးပါးကို ကိုယ်လုံး ခြုံထားတဲ့အတွက် တလထော်ကို ဆင်ရိုင်းတွေက မနင်းရဲတာပါ။ ဒါကို တိဿဘုရင်နဲ့ ဗြာဟ္မဏအမတ်တွေက မသိကြပါဘူး။
ဒါကြောင့်လည်း ဗြာဟ္မဏအမတ်များက တိဿဘုရင်နား ကပ်ပြီး -
“အရှင်မင်းကြီး၊ ဒီမိန်းမဟာ သာမန်မိန်းမ မဟုတ်လောက်ဘူး၊ ပညာသည်စုန်းမ ဖြစ်ပါလိမ့်မယ်။ စုန်းမများဟာ ရိုးရိုးသတ်လို့ မသေပါဘူး ဘုရား” လို့ လျှောက်တော့ တိဿဘုရင်က...
“ဒါဖြင့် ဘယ်လိုသေအောင် သတ်ရမလဲ”
“မှန်ပါ၊ မီးရှို့သတ်ရင် သေနိုင်ကြောင်းပါ”
“ကိုင်း ဆင်နင်းသတ်မရတဲ့ တလထော်ကို မသေမချင်း မီးရှို့ သတ်ကြစေ” လို့ အမိန့်တော် ထပ်မှတ်ပြန်ပါတယ်။ ဒီတစ်ခါ အာဏာ ပါးကွက်သားများက လောင်စာထင်းတွေ အသင့်ပြင်ပြီး ကြိုးတုပ်တားတဲ့ တလထော်ကို ထင်းပုံပေါ်တင်ပြီး မီးတင်ရှို့လိုက်ကြပြန်ပါပြီ။ လောင်စာထင်းများကား တဖျင်းဖျင်းမြည်ကာ တောက်လောင်နေကြလေပြီ။ သရဏဂုံ သမီးပျိုကား ဒေါသတစ်ချက်မဝင်၊ သရဏဂုံအရွတ် တစ်ချက် မပျက်ခဲ့ပါပေ။
လောင်စာထင်းများ ပြာကျကာ ကုန်သွားသော်လည်း သရဏဂုံ ကိုယ်လုံး ခြုံထားသော တလထော်၏ မွှေးညှင်းတစ်ပင်ကိုပင် မီးမလောင်ခဲ့ပါ။ တိဿဘုရင်နှင့် ဗြာဟ္မဏအမတ်များ ချွေးပြန်နေကြပြီ။ နောက်လူတွေ ကြောက်လန့်သွားအောင် စံပြအနေဖြင့် ရက်ရက်စက်စက် သတ်ပြကာမှ မသေဘူးဖြစ်နေရာ မည်သို့ သေအောင် သတ်ရမည်ကို မတွေးတတ်အောင် ဖြစ်နေကြသည်။ ဗြာဟ္မဏအမတ် တစ်ယောက်က-
“အရှင်မင်းကြီး၊ ဒီမိစ္ဆာမ မသေလို့တော့ မဖြစ်ဘူး၊ တော်ကြာ ကျန်တဲ့ ဗုဒ္ဓဘာသာတွေပါ ကမ်းတက်လာနိုင်တယ်၊ ဒီတော့ တစ်ခါတည်း မြေမြှုပ်ပြီးသာ အဆုံးစီရင်ခိုင်းပါတော့ဘုရား”
တိုအမတ်ကြီး၏ အကြံပေးချက်ဖြင့် တလထော်ကား နက်လှသော ကျင်းကြီးထဲတွင် အပြီးတိုင် မြေဖို့အသတ်ခံရန် ရောက်ရှိနေလေပြီ။ မြေဖို့သတ်ရန် အာဏာပါးကွက်သားများ အသင့်ပြင်နေကြစဉ်မှာပင် ဗုဒ္ဓဘာသာဖြစ်ခဲ့ဖူးသော တိဿဘုရင်ကား ကျင်းထဲမှာ ဒေါသကင်းစင် ဖြူမွတ်ဝင်းစင်နေသည့် သရဏဂုံ သမီးပျို တလထော်၏ မျက်နှာကလေးကို တစ်ချက်ကြည့်မိသွားသည်နှင့် မဝေခွဲနိုင်သော အတွေးများက အလျှိုလျှို ဝင်ရောက်လာကြသည်။
“အင်း... ဒီမိန်းကလေးဟာ တော်တော်ကို ထူးခြားတာပဲ၊ တို့က သူ့ကို ဒီလောက် မသေမချင်း သတ်နေတာတောင် သူ့မျက်နှာမှာ ဒေါသဖြစ်တဲ့အသွင် တစ်ချက်မှ မတွေ့ရဘူး၊ တကယ့်သူတော်ကောင်းတွေရဲ့ အသွင်အပြင်မျိုးပဲ၊ ပြီးတော့ ရတနာသုံးပါးအပေါ် ယုံကြည်တဲ့သူရဲ့ သဒ္ဓါတရားကလည်း အံ့မခန်းပါလား။
ဒီလောက် ရက်ရက်စက်စက် မသေမချင်း သတ်နေတာတောင် ကြောက်လန့်ပြီး ရတနာသုံးပါးကို စွန့်ပါတော့မယ်-လို့ တစ်ချက်မပြောဘူး၊ တစ်ချက် မတောင်းပန်ဘူး၊ သာမန် မိန်းမပျိုမျိုးဆို လန့်တာနဲ့တောင် သေသွားလောက်တယ်။ ရတနာသုံးပါးအပေါ် ဒီလောက်ယုံကြည်အားကိုးနေတဲ့ မိန်းကလေးကို ငါတို့က အခွင့်အရေးတစ်ခုတော့ ပေးသင့်တယ်”
ထိုအတွေးနှင့်အတူ မြေဖို့ရန် ပြင်နေကြသော အာဏာသားများကို ခေတ္တ တားမြစ်လိုက်ကာ တလထော်ကို ချထားသော ကျင်းနှုတ်ခမ်းသို့သွားကာ-
“ဒီမှာမိန်းကလေး၊ မင်း ဗုဒ္ဓအပေါ် ဒီလောက် ယုံကြည်နေတယ်ဆိုရင် မင်းကို အခွင့်အရေးတစ်ခုပေးမယ်၊ မင်းကိုးကွယ်ထားတဲ့ မင်းအိမ်က ဗုဒ္ဓဆင်းတုတော် ရှစ်ဆုကို ဟောဒီနန်တော်ထဲ ကောင်းကင်က ကြွလာအောင် မင်း ပင့်နိုင်မလား၊ အကယ်၍ အဲဒီလို ကောင်းကင်ကနေ ကြွလာအောင် မင်း ပင့်နိုင်မယ်ဆိုရင် မင်း အသက်ကို ချမ်းသာပေးမယ်၊ ငါလည်း ဗုဒ္ဓဘာသာအယူကို ပြန်ယူမယ်” လို့ ပြောလိုက်ပြီး တလထော် မျက်နှာကလေးကို သေချာ စိုက်ကြည့်လိုက်သည်။
တိဿဘုရင် မျှော်လင့်ထားသည်က-
“အရှင်မင်းကြီး မဖြစ်နိုင်တာတွေကို ခိုင်းနေမယ့်အစား တစ်ခါတည်းသာ မြေဖို့သတ်လိုက်ပါတော့” လို့ ညှိုးငယ်သော မျက်နှာလေးနဲ့ ပြောလိုက်မည့် တလထော်၏ သနားစဖွယ် စကားသံကို ကြားရလိမ့်မယ်လို့ ထင်ခဲ့သည်။
သို့သော် တိဿဘုရင် မျှော်လင့်သလို ဖြစ်မလာ။ မျှော်လင့်ချက်ရောင်ခြည် လင်းလက်သွားသောဝင်းပသည့် မျက်နှာကလေးဖြင့် တလထော်လျှောက်ထားသည်က-
“အရှင်မင်းကြီး၊ ‘မင်းမှာသစ္စာ လူမှာကတိ’ ဆိုတဲ့ စကားအတိုင်း သစ္စာတည်ပါစေ၊ ကိုးကွယ်ထားတဲ့ ဗုဒ္ဓဆင်းတုတော်များကို ကောင်းကင်က ကြွလာအောင် ကျွန်တော်မျိုးမ ပင့်ပေးပါ့မယ်။ လောလောဆယ် ကျွန်တော်မျိုးမ လက်မှာ ချည်တုပ်ထားတဲ့ ကြိုးတွေကိုသာ ဖြေပေးပါ”
တလထော် စကားဆုံးတာနဲ့ တိဿဘုရင်ကြီးမှာ အလိုလို လေးစားကြည်ညိုစိတ်များ ပေါ်လာတဲ့အတွက် ကိုယ်တိုင်ပင် တလထော်လက်မှ ကြိုးများကို ဖြေပေးလိုက်ပါတော့တယ်။ အနှောင်အဖွဲ့မှ လွတ်သည်နှင့် တပြိုင်နက် တရားသခင်မခေါ် တလထော်ကား ဗုဒ္ဓဆင်းတုတော်များကို သစ္စာပြုက ပင့်လိုက်ပါလေပြီ။
“အတုမဲ့ ငြိမ်းအေးရာ ပရိနိဗ္ဗာန်စံလွန်တော်မူပြီး ဘုန်းတော်ကြီးသော မြတ်စွာဘုရား၊ ဘုရားတပည့်တော်မသည် အရှင်မြတ်ကိုယ်စား ရုပ်ပွားဆင်တုတော်များကို ကောက်ယူဆေးကြော၍ အသက်နှင့်လဲကာ ကိုးကွယ်ပူဇော်ခဲ့ပါသည်။
ဗုဒ္ဓဂုဏော အနန္တော၊ ဓမ္မဂုဏော အနန္တော၊ သံဃဂုဏော အနန္တော
ဘုန်းတော်ကြီးသော မြတ်စွာဘုရား... ဘုရား, တရာ, သံဃာ ရတနာမြတ် သုံးပါးသည် ပိုင်းခြားမထင် ဂုဏ်အင်အနန္တ ဘုန်းတန်ခိုး တေဇော်ကြီးမြတ်တော်မူလှပါသည် ဘုရား။
ဤမှန်ကန်သော သစ္စာစကားကို ဆိုရခြင်းကြောင့်... အရှင့်ကိုယ်တော်စား ရုပ်ပွားတော် ရှစ်ဆူတို့သည် တိဿဘုရင် နန်းရင်ပြင်ပေါ် ကောင်းကင်ထက်၌ ကြွလာစမ္ပါယ် တည်နေတော်မူလှည့်ကြပါစေသား, အရှင်မြတ်ဘုရား”
တလထော်၏ သစ္စာစကားဆုံးသည်နှင့် ဗုဒ္ဓဆင်းတုတော် ရှစ်ဆူတို့ဟာ ကောင်းကင်ခရီးက ဈာန်ယာဉ်စီးပြီး ရွှေရောင်တဖိတ်ဖိတ်နဲ့ ကြွလာတော်မူလာကြပါတယ်။ ဒီအချိန်မှာပဲ ဟံသာဝတီ ပြည်သူပြည်သား အားလုံးတို့ဟာ “တလထော် သစ္စာပြုပြီး ပင့်လိုက်တာ ဗုဒ္ဓဆင်းတုတော်တွေ ကောင်းကင်က ကြွလာသတဲ့” ဆိုတဲ့ စကားနဲ့အတူ လက်အုပ်ချီရှိခိုးပြီး တိဿဘုရင်ရဲ့ နန်းရင်ပြင်ထဲသို့ စုပြုံ ရောက်လာကြပါတော့တယ်။
ဒီအချိန်မှာ ကောက်ကျစ်ယုတ်မာခဲ့ကြတဲ့ ဗြာဟ္မဏအမတ်တွေကတော့ ပြေးပေါက် မှားနေကြပါပြီ။ သူတို့ဟာ အသောကမင်းကြီးရဲ့ ရေးထိုးခဲ့တဲ့ ကျောက်စာထဲကလို အဆုံးအမလေးများ ရထားခဲ့ရင် ဒီလောက်ဆိုးကြမယ် မထင်ဘူး။ အဲဒီ ကျောက်စာ အဆုံးအမလေးက-
“ဘာသာတရားဟူသမျှသည် တစ်မျိုးမဟုတ် တစ်မျိုးသော အကြောင်းများကြောင့် ကြည်ညိုလေးစားထိုက်သည်ချည်း ဖြစ်၏။ သို့ရာတွင် ဘာသာဝင် တစ်ဦးတစ်ယောက်သည် မိမိ၏ ဘာသာတရားကို အထွဋ္ဋ်အထိပ်သို့ ရောက်အောင် ဆောင်ရွက်စဉ်- အခြားဘာသာဝင်များ၏ ဘာသာတရားများကိုလည်း မြင့်မားအောင် ဆောင်ရွက်ခွင့် ပြုရ၏” တဲ့။
ဘယ်လောက်များ သူတော်ကောင်းပီသ,တဲ့ အဆုံးမလေးလဲလို့။ ဒီလို အဆုံအမမျိုး ပေးနိုင်တာ ဘာကြောင့်လဲလို့ မေးလာခဲ့ရင် သီရိဓမ္မာသောကမင်းကြီးဟာ ဗုဒ္ဓဘာသာဖြစ်လို့ပဲလို့ အကျဉ်းချုပ်ဖြေရမှာပါ။ ကဲဆက်ကြဦးစို့...
တိဿဘုရင်ကြီးလည်း ကောင်းကင်က ကြွလာပြီး ပလ္လင်ထက်မှာ စမ္ပါယ်တော်မူနေတဲ့ ဗုဒ္ဓဆင်းတုတော်များကို ပီတိမျက်ရည် တရွှဲရွှဲနဲ့ ပူဇော်ကန်တော့ပြီး ကျင်းထဲက သရဏဂုံမယ် တလထော်ကလေးကို ကိုယ်တော်တိုင် ဆယ်ယူ တောင်းပန်ပြီး ‘ဘဒြာဒေဝီ’ ဆိုတဲ့ အမည်နဲ့ တောင်ညာစံဒေဝီ မိဖုရားကြီးအဖြစ် မြှောက်စား ချီးမြှင့်တော်မူပါတယ်။
အဝိညာဏက အသက်မရှိတဲ့ ဆင်းတုတော်တွေတောင် ဒီလောက်တန်ခိုးစွမ်းအား ရှိခဲ့ရင်... သဝိညာဏက အသက်ရှိတဲ့ ဗုဒ္ဓ ကိုယ်တော်တိုင်ဆိုရင် ဘယ်လောက်များ တန်ခိုးအာနိသင် ကြီးလိုက်မလဲ လို့ မှန်းဆကြည်ညိုရင်း တိဿဘုရင်ကြီးသာ ချက်ချင်း ဗုဒ္ဓဘာသာဝင် ပြန်ဖြစ်သွားပါတယ်။ တလထော်ကို အကြောင်းပြူ၍ ရှင်ဘုရင်နဲ့ အတူ တိုင်းသူပြည်သား အားလုံးတို့ဟာ ဗုဒ္ဓဘာသာဝင် ပြန်ဖြစ်ခဲ့ကြရပါတယ်။
ခန္တီတရား လက်ကိုင်ထားတဲ့ ဗုဒ္ဓဘာသာဝင်များမို့ ဗြာဟ္မဏအမတ်တွေကိုလည်း သတ်ဖြတ်ခြင်း မပြုဘဲ တိုင်းပြည်ကနေပဲ နှင်ထုတ်လိုက်ကြပါတယ်။ အရာရောက်လာတဲ့ တလထော်ဟာ ဟံသာဝတီမြို့ (ယခုပဲခူးမြို့) ပတ်ဝန်းကျင်မှာ စေတီအပါအဝင် သာသနိက အဆောက်အအုံတွေ များစွာ လှူဒါန်းခဲ့ပါတယ်။
နှစ်ပေါင်းများစွာ ကြာခဲ့ပြီဖြစ်လို့ ပျက်စီးပျောက်ကွယ်သွားတဲ့ စေတီပုထိုးဘုရားတွေက များပါတယ်။ မှတ်မှတ်ရရ ဂုဏ်ယူဖွယ်ရာ ကျန်နေသေးတာကတော့ ပဲခူးက ‘ရွှေသာလျောင်း ဘုရာကြီး’ ပါပဲ။ အဲဒါ တလထော် လှူဒါန်းခဲ့တဲ့ ဘုရားများစွာထဲက တစ်ဆူပဲဖြစ်ပါတယ်။ ပုဂံ အနော်ရထာမင်းကြောင့် မြန်မာတွေ ထေရဝါဒဗုဒ္ဓဘာသာ ဖြစ်ခဲ့ရတာမို့ အနော်ရထာမင်းဟာ မြန်မာအားလုံးရဲ့ ကျေးဇူးရှင် တစ်ဦးပါ။
ထို့အတူ တလထော်ဟာလည်း မြန်မာတွေရဲ့ ဘာသာရေး ကျေးဇူးရှင် တစ်ဦးပါ။ ဘာ့ကြောင့်လည်းဆိုရင် အဲဒီအချိန်က တလထော်သာ အသက်နဲ့ လဲပြီး ရတနာသုံးပါးရဲ့ဂုဏ်ကို မကာကွယ်ခဲ့ဘူးဆိုရင် ဗုဒ္ဓဘာသာဟာ မွန်တွေရဲ့ လက်ထဲမှာတင် ပျောက်သွားလောက်ပါပြီ။ မွန်တွေဆီမှာ ဗုဒ္ဓဘာသာ မရှိတော့ဘူးဆိုရင် ပုဂံက အနော်ရထာမင်းဟာလည်း မြန်မာတွေဆီ ရောက်အောင် ဗုဒ္ဓဘာသာကို ဆောင်ပေးနိုင်တော့မှာ မဟုတ်ပါဘူး။ ဒါကြောင့် တလထော်လည်း မြန်မာတွေအပေါ်ပုဂံ အနော်ရထာလို ကျေးဇူးများခဲ့တဲ့အတွက်ကြောင့် ‘ရာမညအနော်ရထာ’ လို့ ခေါ်ဝေါ်သင့်ကြောင်းပါ။
ကျမ်းကိုး။ ။ဓမ္မာစရိယ ဦးဌေးလှိုင်၏ ‘ရတနာသုံးပါးကျေးဇူး’ စာအုပ်မှ။
မေတ္တာရှင်(ရွှေပြည်သာ)၏
‘သရဏဂုံအစွမ်း အံ့မခန်းဖြစ်ရပ်ဆန်းများ’ မှ
အရှင် ရာဇိန
