ဘာသာရေး ပြဿနာ ( ၉၂ )
( ဘဒ္ဒန္တ တိလောကသာရ ဖြေသည် )
(မေး) ( လယ်တီဆရာတော်နှင့် သင်္ဂါယနာ)
အရှင်ဘုရား သရက်အောင်မင်္ဂလာ အရှင်ပညာစက္က-က မြို့ရွှေမန်း ထက်တန်းစာသင်သည်၊ သင်္ဂါယနာတွင် ကထာရွတ်ပြန်လို့-ဟု လယ်တီဆရာတော်ဘုရားကြီး၏ ထေရုပ္ပတ္တိ တေးထပ်တွင် ရေးသားပါသည်။ မည်သည့်သင်္ဂါယနာတွင် ရွတ်ပြန်ကြောင်း ဖြေကြားတော်မူပါဘုရား။
(မနန္ဒမာလာ-ဖောင်းပြင်)
(ဖြေ)
လယ်တီဆရာတော်ဘုရားကြီး၏ ထေရုပ္ပတ္တိကထာတွင် ဆရာတော်ဘုရားကြီး စာသင်သားဘ၀က မန္တလေးမြို့ စံကျောင်းတိုက်တွင် နေခဲ့ကြောင်း၊ မင်းတုန်းမင်းတရားကြီး၏ ပဉ္စမ သင်္ဂါယနာသဘင်တွင် ကထာဝတ္ထုကျမ်းကို ရွှေနန်းတော်အတွင်း၌ နှုတ်တက်ရွရွ ပြန်ဆိုခဲ့ကြောင်း ပါရှိပါသည်။
********************************************************************************
(မေး) ( ရဟန်းနှင့် သူနာပြု ဆရာမ)
အရှင်ဘုရား ရဟန်းတော်များ ဆေးရုံ ဆေးခန်းများသို့ တက်ရောက်ကုသရာ၌ ဆရာဝန်မ၊ သူနာပြုဆရာမများက သွေးစမ်းခြင်း၊ သွေးချိန်ခြင်း၊ ဆေးထိုးခြင်း စသည်ပြုရာ ၄င်းတို့နှင့် ရဟန်းတော်များ ထိတွေ့ကြမြဲဖြစ်ပါသည်။ ထိုကိစ္စ၌ ရဟန်းတော်များ အာပတ်သင့်-မသင့် အပြစ် ရှိ-မရှိ သံသယရှိပါသဖြင့် ဖြေရှင်းပေးတော် မူစေလိုပါသည်ဘုရား။
(တပည့်-ဃောသိတ-သံတွဲ ရခိုင်ပြည်နယ်)
(ဖြေ)
ဝန္ဒန၀တ္ထုသ္မိံ ဣတ္ထီပါဒေ သမ္ပဟိတွာ ၀န္ဒိတုကာမာ ၀ါရေတဗ္ဗာ၊ ပါဒါ ၀ါ ပဋိစ္ဆာဒေတဗ္ဗာ နိစ္စလေန ၀ါ ဘ၀ိတဗ္ဗံ၊ နိစ္စလဿဟိ စိတ္တေန သာဒိယတော အနာပတ္တိ။(၀ိဋ္ဌ ၁-၁၃၂)
ရှိခိုးသောဝတ္ထု၌ မာတုဂါမ တယောက်က ရဟန်း၏ ခြေကို ဆုပ်ကိုင်၍ ရှိခိုးသည်ကို တားမြစ်ရမည်။
ရဟန်းက ခြေကိုသော်လည်း ဖုံးထားရမည်။ ဆုပ်ကိုင်ထိတွေ့၍ ရှိခိုးနေလျှင် မတုန်မလှုပ် (မလှုပ်မရှားနေ၍) သော်လည်း နေရမည်။ (ထိုအခိုက်၌) သာယာမှုရှိသော်လည်း အာပတ်မသင့်ဟု အဋ္ဌကထာ ဖွင့်ဆိုထားသဖြင့် ခြေထောက်ကို ဆုပ်နယ်၍ ရှိခိုးနေသော မာတုဂါမလက်မှလွတ်ရန် ရုန်းကန်လှုပ်ရှားသော်လည်း လွတ်မြောက်ရန်သာ လုံ့လထုတ်ခြင်းဖြစ်၍ အပြစ်မရှိဟု ဆိုပေသည်။ ထိုအချက်ကို သတိပြု၍ ဆွမ်းခံရာ၌ သပိတ်ကပ်ခြင်း၊ ပေးလှူခြင်းတို့၌ လက်ချင်းထိသောအရာ ပရိသတ်ထဲ၌ အမှတ်မဲ့လက်ကို ဆန့်တန်းရာတို့၌ မာတုဂါမ၏ ကိုယ်အင်္ဂါကို ထိသောအရာ၊ မိန်းကလေးကို ယောက်ျားလေးမှတ်၍ ကိုင်မိသောအရာတို့၌လည်း ထိုနည်းအတူပင် ဖြစ်သည်။
ယခုခေတ် ဆေးရုံ၊ ဆေးခန်းတ်ို့၌ အမျိုးသမီးဆရာဝန်မ၊ သူနာပြုဆရာမတို့ သွေးစမ်းခြင်း၊ ဆေးထိုးခြင်း စသည်တို့၌လည်း ရဟန်းက မလှုပ်မရှား ခံယူခြင်း၊ မလှုပ်မရှား ခံယူရာ၌ စိတ်က သာယာမှု ရှိသည့်တိုင်အောင် အပြစ်အာပတ် မရှိဟု မှတ်သားရပါသည်။ သာယာသောစိတ်ဖြင့် ကိုယ်လက်လှုပ်ရှားခြင်း၊ မိမိ (လူနာရဟန်း)က သွားရောက်ထိကိုင်ခြင်းမျိုးများ မပြုမိအောင် အထူးပင် သတိပြုသင့်ပါသည်။
********************************************************************************
(မေး) ( ဓားမအလှူ)
အရှင်ဘုရား တပည့်တော်တို့ အဒေါ်ရွာတွင် လူတဦးသည် ကထိန်ရောက်တိုင်း ပဒေသာပင်တွင် ဓားမတချောင်း လှူလေ့ရှိပါသည်။ ထိုသူကဲ့သို့ တပည့်တော်လည်း ဓားမလှူချင်ပါသည်။ ဓားမသည် လက်နက်ကိရိယာ ဖြစ်ပါသောကြောင့် သံဃာတော်တို့အား လှူဒါန်းပါလျှင် လှူဒါန်းသူတို့မှာ အပြစ်ရှိ-မရှိ သိချင်ပါသဖြင့် ဖြေကြားပေးတော်မူပါဘုရား။
(မောင်သန်းဇော်ဦး-ဒသမတန်း(၁) အ-ထ-က ၃၊ ရွှေပြည်သာ)
(ဖြေ)
သံဃာတော်တို့တွင် လဟုဘဏ်ပစ္စည်း၊ ဂရုဘဏ်ပစ္စည်း ဟု ၂-မျိုးရှိရာ ဓားမ၊ ပုဆိန်၊ ပေါက်ပြား၊ တူရွင်း စသည်တို့မှာ ဂရုဘဏ်ပစ္စည်း (ဂရုဘဏ္ဍ) လေးသောဥစ္စာ၊ အလေးပြုအပ်သည်ဖြစ်၍ မခွဲဝေအပ်သော ပစ္စည်းတို့သည်လည်း ဂရုဘဏ်ပစ္စည်း ဖြစ်ပါသည်။ ပုဂ္ဂိုလ်သုံး၊ ကိုယ်ပိုင်သုံးပစ္စည်းမျိုး မဟုတ်၊ ကျောင်းသုံးပစ္စည်းဖြစ်၍ ပုဂ္ဂိုလ်သုံး ထီး၊ ဖိနပ်၊ သင်္ကန်းစသည်တို့ထက်ပင် ပိုမိုလေးစားအပ်ပါသည်။
ထို့ကြောင့် ဓားမစသည်တို့ကို လှူဒါန်းခြင်းမှာ ဂရုဘဏ်ပစ္စည်းအလှူ ဖြစ်၍ ပိုမိုမွန်မြတ်ပါကြောင်း ဖြေကြားအပ်ပါသည်။
********************************************************************************
(မေး) ( ဂါထာကို ဥုံခံ၍ ရွတ်ခြင်း)
အရှင်ဘုရား တပည့်တော်သည် ဘုရားရှိခိုးပြီးတိုင်း ဂါထာတော်များကို ရွတ်ဖတ်လေ့ရှိပါသည်။ ရွတ်ဖတ်သည့်အခါတိုင်း စ ဓ ဗ ၀ ဂါထာကို ဥုံခံပြီး ရွတ်ဖတ်ပါသည်။ ဆရာကြီး ဓမ္မာစရိယ ဦးအေးနိုင် (ဘီအေ) ၏ ဆောင်းပါးတွင် ဥုံသြောင်းတို့ ပါဝင်သော ဂါထာများကို ထေရ၀ါဒ ဗုဒ္ဓဘာသာတိုင်း မရွတ်ဆိုကောင်း၊ ရွတ်ဆိုလျှင် ထေရ၀ါဒနှင့် ဆန့်ကျင်၏ဟု ဖတ်ရပါသည်။ တပည့်တော်အနေဖြင့် ဥုံခံ၍ ရွတ်ဖတ်သော စ ဓ ဗ ၀ ဂါထာကို ဆက်လက်၍ ရွတ်ဖတ်သင့်-မသင့် ဖြေကြားပေးပါဘုရား။
(ဦးမြင့်စိုး-မူပြ၊ တောင်ဘက်ကမ်း-မြစ်သားမြို့)
(ဖြေ)
စ ဓ ဗ ၀ ဂါထာမှာ ငါးမြီးတွင် စ၊ ဒေါင်းမြီးတွင် ဓ၊ ပုစွန်ကိုယ်တွင် ဗနှင့် ၀ံ၏ချက်တွင် ၀-ရှိသည်ဟု ကမ္ဘာဦးသတ္တ၀ါ ၄-မျိုးပါ အက္ခရာ ၄-လုံးကို
စ-စက္ခုမာစရ မာစိဏ္ဏော၊
ဓ-ဓမ္မညူ ဓမ္မသာမိကော၊
ဗ-ဗလူပေတော ဗလဒ္ဓရော၊
ဝ-၀ရဒေါ ဒေတု မေ ၀ရံ-ဟု
အက္ခရာ တလုံးတပါဒပြု၍ ရှေးဆရာများ ဂါထာဖွဲ့ဆိုကာ ဘုရားရှိခိုးဆုတောင်း ပြုလုပ်ထားခဲ့သည်။ ထေရ၀ါဒဆိုင်ရာ ဂါထာဖြစ်၍ ဥုံခံ၍ မရွတ်ဆိုရပါ။ ရွတ်ဆို၍ အပြစ်ရှိသည်ဟု မဆိုသာသော်လည်း ထေရ၀ါဒ ဗုဒ္ဓဘာသာပီပီ ဥုံမခံဘဲသာ ရွတ်ဆိုဆုတောင်းသင့်ပါကြောင်း ဖြေကြားအပ်ပါသည်။
********************************************************************************
(မေး) (ဘုရားပုံတော်နှင့် မကိုဋ်စလွယ်)
အရှင်ဘုရား တပည့်တော်တို့ ကိုးကွယ်နေတဲ့ ဗုဒ္ဓရုပ်ပွား ဆင်းတုတော်တွေမှာ မကိုဋ်စလွယ်များ ဆင်ယင်ထားတာနဲ့ ပတ်သက်၍ မရှင်းတာကို မေးလျှောက်ပါရစေ၊ မကိုဋ်စလွယ်ဟာ ဘုရားဖြစ်ပြီးမှ ဆင်ယင်တာလား။ ဘုရားလောင်းဘ၀က ဆင်ယင်တာလား၊ တချို့က ဘုရားလောင်းဘ၀က ဆင်ယင်တာဖြစ်လို့ ရဟန်းတော်များ ရှိမခိုးထိုက်ဘူးလို့ ပြောကြပါတယ်။ မကိုဋ်စလွယ် ဆင်ယင်ရခြင်း အကြောင်းနှင့် ပေါ်ပေါက်လာခြင်းအကြောင်း မိန့်ကြားပေးတော်မူပါဘုရား။ အထောက်အထားရှိပါက ညွှန်ကြားပေးတော် မူပါဘုရား။
(ဦးမျိုးညွန့်-မိုးဗြဲမြို့)
(ဖြေ)
မကိုဋ်စလွယ် ဆင်ထားသော ရုပ်ပွားတော်များမှာ ဘုရားလောင်းဖြစ်ကြောင်း၊ ညောင်ချောင်းဆရာတော်၏ ဥတ္တမင်္ဂ ၀ိနိစ္ဆယမှာဆိုသည်။ ရှေးဆရာတော်များက မြတ်စွာဘုရား စကြ၀ဠာ တပါးသို့ကြွ၍ တရားဟောတော်မူရာ၌ ဘုရင်အသွင်၊ မင်းသားအသွင်ဖြင့် သွားကြောင်း တောင်ခွင် ဂုဠှတ္ထ၀ိနိစ္ဆယတွင် ဆိုသည်။
သို့သော် ထိုရုပ်ပွားတော်များမှာ ရခိုင်ပြည်မင်း အဆက်ဆက်တို့ ကိုးကွယ်ရာမှ ဆင်းသက်လာကြောင်း သိရသည်။ မန္တလေး မဟာမုနိကို ထောက်။
ရခိုင်ပြည်မင်းတို့သည် အိမ်ရှေ့မင်းအဖြစ်မှ မင်းအဖြစ် ဘိသိက်ခံရာတွင် ရုပ်ပွားတော်တဆူအား မင်းဝတ်တန်ဆာ မကိုဋ်စလွယ်ဆင်ယင်၍ ဦးထိပ်၌တင်ကာ မင်းကျင့်တရားနှင့်အညီ မင်းပြုပါမည်ဟု ကျိန်ဆိုအဓိဋ္ဌာန် ပြုကြရကြောင်း၊ ထို့ကြောင့် ရခိုင်ပြည်တွင် ဤသို့ မင်းဝတ်တန်ဆာ မကိုဋ်စလွယ်ဆင် ဘုရားများကို ကိုးကွယ်စမှတ် ပြုလေ့ရှိကြောင်း၊ မဟာကျိန်ဘုရားဟု ခေါ်ဝေါ်ကြောင်း သိရပါသည်။
ဇင်းမယ် ပဏ္ဏာသလာ ဇမ္ဗုပတိ ချွတ်ခန်းအဆိုမှာ ထင်ရှားသော်လည်း ယုတ္တိကင်းမဲ့လွန်း၍ ပညာရှင်များ လက်မခံကြပါ။ ရခိုင်ပြည်မှလာသော မဟာကျိန်ဘုရားများ သမိုင်းကြောင်းမှာ ယုတ္တိလည်းရှိ မျက်မြင် ထင်ရှားလည်း ဖြစ်သဖြင့် ထိုအတိုင်း မှတ်သားထားစေလိုပါသည်။
*********************************************************************************
(မေး) ( ရှင်ဥပဂုတ္တ ရဟန္တာ)
အရှင်ဘုရား ထေရ၀ါဒ မြတ်ဗုဒ္ဓသာသနာ၌ တောင်သမုဒ္ဒရာ ကြေးပြာသာဒ်တွင်စံသည့် ရှင်ဥပဂုတ္တမထေရ် တကယ်ရှိ-မရှိ သိချင်ပါသည်။ အချို့သောစာစောင်မှာ ရှိသည်ဟု ဆိုသည်။ အချို့က မရှိဘူးဟုဆိုသည်။ ဘယ်ဟာက မှန်၍ ဘယ်ဟာက မှားသည်ဆိုတာ ရှင်းလင်းစွာ ဖြေကြားပေးတော်မူပါဘုရား။
(ခင်မောင်စိုး-ဂွမြို့)
(ဖြေ)
အရှင်ဥပဂုတ္တသည် သာသနာတော်နှစ် နှစ်ရာကျော်အချိန် အသောကမင်းလက်ထက်၌ ပေါ်ပေါက်ခဲ့ကြောင်း မာရ်နတ်ကို ဆုံးမနိုင်သည်အထိ တန်ခိုးကြီးမားကြောင်း စာရှိပါသည်။ အချို့က ယခုအထိပင် တောင်သမုဒ္ဒရာ၌ ရှိနေကြောင်း ယုံကြည်နေကြသည်။ သို့သော် အသက်တရာတမ်းဖြစ်သော ဤခေတ်တွင် အသက်နှစ်ရာအထိ ရှည်နိုင်သူ မရှိကြောင်း ဘုရားဟောရှိ၍ အရှင်ဥပဂုတ္တသည်လည်း ဤခေတ်အထိ သက်ရှိထင်ရှား မရှိန်ိုင်တော့ပါ။
သို့သော် မြတ်စွာဘုရား မရှိသော်လည်း မြတ်စွာဘုရား၏ တန်ခိုးတော်များ ထင်ရှားရှိနေသကဲ့သို့ အရှင်ဥပဂုတ္တမထေရ် ရဟန္တာမြတ် မရှိသော်လည်း ထိုရဟန္တာမြတ်အား ကိုးကွယ်ခြင်းဖြင့် အကျိုးထူးတရားများ ပွားများနိုင်ကြောင်း၊ ယုံမှားမရှိ သိသာထင်ရှားလှသဖြင့် ကိုးကွယ်ဆည်းကပ် လေးမြတ်ပူဇော်အပ်လှပါကြောင်း ဖြေကြားလိုက်ပါသည်။
*********************************************************************************
(မေး) (ကြယ်ကြွေခြင်းလော)
အရှင်ဘုရား ညအခါ ကောင်းကင်တွင် မီးရှူးလွတ်သကဲ့သို့ အလင်းတန်းများကို တွေ့ရသည်။ လူကြီးများက ကြယ်ကြွေသည်ဟု ခေါ်သည်။ သိပ္ပံစာအုပ်များတွင် ဥက္ကာပျံများဟုခေါ်သည်။ မည်သည်က မှန်ပါသလဲ။ လူကြီးများ၏အဆိုအရ ကြယ်ကြွေလျှင် မည်သို့ ဖြစ်တတ်ပါသလဲဘုရား။ အချို့ကလည်း နတ်များနတ်သက်ကြွေ၍ လူ့ပြည်သို့ ဆင်းသည်ဟု ဆိုကြသည်။ ဖြေရှင်းပေးပါဘုရား။
(မင်းစောထွန်း-ဖျာပုံမြို့)
(ဖြေ)
ကျယ်ဝန်းသော ကောင်းကင်ပြင်၌ လေဓာတ်တို့ ပြင်းထန်၍ အလင်းရောင်များဖြစ်ကာ အတုံးအခဲများ ကျရောက်သည်ကို အဝေးမှ နေရောင်ဖြင့် အလင်းတန်းများသဖွယ် မြင်ရခြင်းကို ဥပါပျံသည်ဟု ရှေးက ခေါ်ဆိုရေးသားကြသည်။ ဥက္ကာပျံသည်ဟုလည်း ဆို၏။ ၄င်းကို အတိတ်နိမိတ် အဖြစ် ယူသော် မကောင်းမွန်ရာ၌ အဓိပ္ပါယ်ဆိုကြသည်။ ဥပမာ-မင်းများ နတ်ရွာစံခြင်းမျိုး၌ ဥက္ကာကျခြင်းများ ဖြစ်ကြောင်း ရာဇ၀င်တို့မှာ ပါသည်။
အနိစ္စရောက်လိုသော် ဥပါလှည်းဘီးခန့် ကျ၏။(ဦးကုလား-ပ-၁၄၇)။ ပါဠိအဋ္ဌကထာများတွင်
ဧ၀ရူပေါ စန္ဒဂ္ဂါဟော ဘ၀ိဿတိ၊
ဧ၀ရူပေါ သူရိယဂ္ဂါဟော ဘ၀ိဿတိ၊
ဧ၀ရူပေါ နက္ခတ္တဂ္ဂါဟော ဘ၀ိဿတိ၊
ဧ၀ရူပေါ ဥဂ္ဂါပါတော ဘ၀ိဿတိ၊
ဧ၀ရူပေါ ဒိသာဍာဟော ဘ၀ိဿတိ ဣမေပဉ္စ မဟာဥပ္ပါတာ-(ဇာဋ္ဌ ၁-၃၉၆)ဟု ဥပါပျံခြင်း ငါးမျိုးရှိကြောင်း ဆိုသည်။
********************************************************************************
(မေး) (အက္ခရာနှင့် ဘာသာ)
အရှင်ဘုရား ဤစာစောင်တွင် ပိဋကတ်တော်ကို အရှင်မဟာဗုဒ္ဓဃောသသည် အိန္ဒိယတောင်ပိုင်း အက္ခရာဖြင့် မာဂဓဘာသာသို့ ပြန်ဆိုရေးသားသည်ဟု ဖြေကြားထားပါသည်။
(၁) အိန္ဒိယတောင်ပိုင်း အက္ခရာနှင့် မာဂဓဘာသာ မည်သို့ ဆက်စပ်ပါသလဲဘုရား။
မာဂဓ နှင့် ပါဠိတို့လဲ မည်သို့ ဆက်စပ်ပါသလဲဘုရား။
၎င်းပြင် ပုဂံခေတ်တွင် မွန်ဘာသာအက္ခရာရေး ပိဋကတ်တော်ကို မြန်မာအက္ခရာဖြင့် ဖလှယ်ခဲ့ကြောင်း ဖြေကြားခဲ့ပါသည်။
(၂) မြန်မာအက္ခရာနှင့် ဖလှယ်ခဲ့ပါလျှင် မြန်မာပြန်များ ဖြစ်မနေပါလားဘုရား။ ယနေ့ခေတ် ဆဋ္ဌမူပါဠိပိဋကတ်တော်မှာ မည်သည့်ခေတ်တွင် မည်သည့်ပုဂ္ဂိုလ်တို့က စတင်ပြုစုခဲ့ပါသလဲဘုရား။ တပည့်တော်များ ရှင်းလင်းသွားအောင် ဖြေကြားပေးတော်မူပါဘုရား။
(ဦးမြင့်ဆွေ-ဦးဉာဏ်ထွန်း-ဒေါ်တင်ရီ-သံဖြူဇရပ်မြို့)
(ဖြေ)
ပြဿနာရှင်များအနေဖြင့် အက္ခရာနှင့် ဘာသာကို ကွဲကွဲပြားပြား မှတ်သားဖို့ လိုပါသည်။
အက္ခရာသည် စာလုံးများဖြစ်၍ ဘာသာသည် နှုတ်ထွက်စကားသံ ဖြစ်ပါသည်။
မြတ်စွာဘုရား ဟောကြားတော်မူသော နှုတ်တော်ထွက် တရားစကားတော်မှာ မာဂဓတိုင်းသုံး စကားသံ မာဂဓဘာသာဖြစ်၍ ၄င်းကို ပိဋကတ်တော်၌ ပါဠိဘာသာဟု ဆိုပါသည်။
မြတ်စွာဘုရား၏ တရားစကားတော်များကို အိန္ဒိယတောင်ပိုင်း အက္ခရာဖြင့် အရေးပြုပါသည်။ ပါဠိဘာသာမှာ အက္ခရာအထူးမရှိ။ အိန္ဒိယ၊ သီရိလင်္ကာ၊ မြန်မာ၊ မွန်၊ မည်သည့်အက္ခရာဖြင့် ရေးရေး အသံထွက်မှန်ကန်စွာ ရပါသည်။ မြန်မာဘာသာကို အင်္ဂလိပ်အက္ခရာဖြင့် ရေး၍၄င်း အသံမှန်မရနိုင်ပါ။ ပါဠိဘာသာကား မည်သည့်အက္ခရာဖြင့်ရေးရေး အသံထွက် မှန်စွာရနိုင်ခြင်းမှာ ပါဠိဘာသာ၏ အံ့သြဖွယ်ဂုဏ်ထူး ၀ိသေသပင် ဖြစ်ပါသည်။
ပါဠိဘာသာကို မြန်မာအက္ခရာဖြင့် ဖလှယ်ခဲ့သဖြင့် မြန်မာပြန်များ မဖြစ်၊ မြန်မာပိဋကတ်တော်များသာ ဖြစ်လာပါသည်။ ယင်းမြန်မာအက္ခရာဖြင့် ပါဠိတော်များကို ခေတ်အဆက်ဆက် နိဿယ (ပါဠိတချက် မြန်မာတချက်) ပြန်ခဲ့သည့် ပါဠိတော်နိဿယများကို အမှီပြု၍ ဆဋ္ဌသင်္ဂါယနာခေတ်တွင် မြန်မာဘာသာသက်သက် မြန်မာပြန်များ ရိုက်နှိပ်ခဲ့ကြောင်း သိထားသင့်ပါသည်။
*********************************************************************************
(မေး) (စာအုပ်ကို ရှိခိုးခြင်း)
အရှင်ဘုရား
စာအုပ်ကို ဦးနှိမ်ကျိုးလို့ ရှိခိုးကြလူရှင်၊ ဓမ္မစေတီ ရည်ရွယ်ထား၊ ဖြစ်ပွားကုသိုလ်ရသည်ဟု စိတ်ကမှတ်ထင်။
စာအုပ်တိုင်း စေတီသွင်၊ ဦးတင်ကဘယ်သို့၊ ဓမ္မံ ပူဇေမိ၊ ရရှိနိုင် ခါမရွေးတယ် အရေးဘယ့်နှယ် မှတ်ရမယ် ဆုံးဖြတ်ပါလို့။
(ရှင်မာခွေး-မကွေး)
(ဖြေ)
မြတ်ဗုဒ္ဓါ ဟောဖော်ကြား၊ တရားမြတ် ပါဠိတော်။
ရိုက်နှိပ်ထား များပြားစာပေအုပ်တို့ကို
ဒူးတုပ်ကာ ဦးနှိမ်ချ များလှသူတော်။
ဓမ္မံ ပူဇေမိ အသိစေတနာနှင့် ၀န္ဒနာ ပဏာမကြောင့်
ကုသလ ရွှင်ပျော်ပျော် ပူဇော်သင့် လူတိုင်း။
တွေ့ကရာ စာအုပ်များကို ၀ပ်တွားလျှင် ကုသိုလ်မရပါဘု၊
ဓမ္မ မှန်-မမှန် တွေး၍ လေးမြတ်ညွတ်ကိုင်း။
*********************************************************************************
(မေး) ( အာဝါဟ ၀ိဝါဟ မင်္ဂလာ)
အရှင်ဘုရား ဤခေတ်တွင် မင်္ဂလာဆောင်သည်ကို အာဝါဟမင်္ဂလာ၊ ၀ိဝါဟမင်္ဂလာပြုသည်ဟု ခေါ်ဆိုကြပါသည်။ သတို့သားအိမ်တွင် မင်္ဂလာဆောင်ခြင်း၊ သတို့သမီးအိမ်တွင် မင်္ဂလာဆောင်ခြင်းတို့နှင့် ဟိုတယ် စသည်တို့၌ မင်္ဂလာဆောင်ခြင်းများရှိရာ မည်သည်ကို မည်သို့ခေါ်သည်ကို သိလိုပါသဖြင့် ဖြေကြားတော်မူပါဘုရား။
(ဒေါ်စုစု-မင်္ဂလာဒုံ)
(ဖြေ)
အာဝါဟ ၀ိဝါဟ ဆိုသည်မှာ မင်္ဂလာဆောင်ရာ ဌာနကို စွဲ၍ခေါ်သည် မဟုတ်ပါ။ တိုက်ရိုက်အဓိပ္ပါယ်မှာ အာဝါဟမင်္ဂလာ-သတို့သမီးကို သတို့သားထံသို့ ပို့ဆောင်သော မင်္ဂလာ။
ဝိ၀ါဟမင်္ဂလာ-သတို့သမီးထံသို့ သတို့သားက သွား၍ တောင်းယူသောမင်္ဂလာ ဟူ၍ ဖြစ်သည်။
ထို့ကြောင့် ဤခေတ် မင်္ဂလာဆောင်ခြင်းတို့၌ တိုက်ဆိုင်၍ သင့်လျော်သလို ယူဆနိုင်ကြောင်း ဖြေကြားအပ်ပါသည်။
( မြတ်မင်္ဂလာ ၂၀၀၂-ဧပြီလ
No comments:
Post a Comment